Det er ikkje kome inn nokon klage på forskrift om ekstraordinær båndtvang (slik det stod i Avisa Valdres), men det er søkt om og innvilga to dispensasjonar;
- Øystre Slidre kommune har gitt dispensasjon frå ekstraordinær bandtvang i Øystre Slidre Statsallmenning til jakthundar som blir følgd på forsvarleg måte og som er i lovleg jakttrening (har kjøpt treningskort i Øystre Slidre Statsallmenning eller har sesongjaktkort med hund) eller som deltar i organiserte jaktprøver. Dispensasjonen gjeld også Øystre Slidre jeger- og fiskeforening sitt klubbmesterskap i fuglehund laurdag 24.februar i Javnlie området (på begge sider av vegen mot Øysterlie).
- Øystre Slidre kommune har gitt dispensasjon frå ekstraordinær bandtvang til fuglehundkurs ved Myhre Gard. Dispensasjonen gjeld jakthundar som blir følgd på forsvarleg måte og som er i lovleg jakttrening i samband med kurset «Jaktdressur for den stående fuglehund» som er planlagd frå 17.februar og ut veke 8.
Vi minner om at det også utanom ekstraordinær bandtvang er utvida bandtvang i Øystre Slidre kommune. Den gjeld mellom anna i mange merka og preparerte skiløyper; Alle lysløyper, Worldcupløypene på Beitostølen, grønn 1 og 2 på Beitostølen, blå 1 og 3 på Beitostølen, rød 1 på Beiotstølen i vinterferie og påskeferie, Danebuløypa (sjå kart (PDF, 7 MB), gjeld alle løyper merka med R0) og Beitostølen Helsesportsenter sine løyper.
Her er link til original tekst fra Kommunen: https://www.oystre-slidre.kommune.no/nyheter/ekstraordinar-bandtvang-i-oystre-slidre.9524.aspx